Жил бүр уламжлал болгон зохион байгуулдаг “НАЙРСАГ БАРУУН-УРТ ТЕАТР” өдөрлөг Баруун-Урт суманд 09 сарын 10, 11-ний өдөр амжилттай болж өнгөрлөө.

Өдөрлөгт тус сумын харъяа 11 цэцэрлэгийн хоол үйлдвэрлэлийн танилцуулга, төрийн байгууллагуудын нээлттэй хаалганы үйлчилгээ, баялаг бүтээгчдийн үзэсгэлэн худалдаа зэрэг олон төрлийн арга хэмжээг зохион байгууллаа. 

 Мөн өдөрлөгийн үеэр 9 багийн иргэдийн дунд урлагийн наадам, спортын тэмцээн уралдааныг зохион байгуулж багийн дүнгээр 7-р баг тэргүүлж “Шилжин явах цом”, мөнгөн шагнал,  2-байр 1-р баг шалгарч “Өргөмжлөл”, мөнгөн шагналаар тус тус шагнуулсан байна.

Баруун-Урт сумын ИТХ-ын төлөөлөгч нар өдөрлөгт идэвхтэй оролцсон иргэдээ урамшуулж азын сугалааг ивээн тэтгэж, 1000000 төгрөгийн сугалааг сугалууллаа. 

Үүнээс гадна сум, орон нутагтаа үр бүтээлтэй ажиллаж байгаа иргэд, ахмад настнууддаа 80 жилийн ойн тэмдэг, ИТХ-ын "Хүндэт өргөмжлөл", Засаг даргын "Баярын бичиг", сумын "Хүндэт иргэн" тэмдгээр тус тус шагнав. 

Баруун-Урт сумын иргэд амралтынхаа 2 өдрийг наадмын талбайдаа идэвхтэй өнгөрүүлж, төрөл бүрийн үйлчилгээг нэг дороос авсан сайхан арга хэмжээ болж өнгөрлөө.